Колумбияның батысындағы Чоко аймағында апта бойы толассыз жауған жауыннан Лоро қалашығын су басты деп хабарлайды Qamshy.kz ақпарат агенттігі vesti.ru-ға сілтеме беріп.
Тасқыннан 1 мыңнан аса үй бүлініп, 800 отбасы қауіпсіз жерге көшірілді. Табиғат апатынан қаза тапқандар туралы ақпар жоқ. Құтқару жұмыстарына әскерилер жұмылдырылған. Жергілікті биліктің мәлімдеуінше, 5 бірдей өзен арнасынан асып, елді-мекендерге қауіп төндіре бастаған.
Ауа райын болжаушылар келесі апта да жауынды болады деп ескертті. Ал АҚШ-тың орталық аймағында жауған жаңбырдан кейін Канзас-сити қаласының оңтүстік бөлігінде тасқын жүріп, үйлерді су басты. Әзірге табиғат апатынан жапа шеккендер туралы мәлімет жоқ.
