«Бұзықтар өледі

Пышаққа құлшынып.

Сұлулар өледі

Құшақта тұншығып.

Арғымақ өледі

Артына шаң қалып.

Ақындар өледі 

Бәріне таң қалып!»

Қадыр Мырза Әлі

Патшалар өледі – тақ үшін таласып.

"Қызтеке" өледі – бір-бірін "жаласып".

Депутат өледі – "төрт қолын" көтеріп,

"Шеккіштер" өледі – түтінге жөтеліп.

Спортшы өледі – "допинг" татып ап.

"Жезөкше" өледі – "насыбай" атып ап.

Еркектер өледі – "сол" жаққа жүз барып.

Қатындар өледі – байларын қызғанып.

"Бомждар" өледі – жамбасын мұз қарып.

Шал байқұс өледі – кемпірін жеңе алмай.

Кемпірлер өледі – келіннен кек алмай.

Парақор өледі – алғанын "жей" алмай.

Арызқой өледі – әркіммен соттасып.

Әзілқой өледі – тілінен "шоқ" басып.

Олигарх өледі – мұнайға "тұншығып".

Мансапқор өледі – билікке құлшынып.

Аралар өледі – ұяға бал салып.

Әншілер өледі – тойларда ән салып.

Кедейлер өледі – арызы қаралмай.

Оралман өледі – азамат бола алмай.

Жазушы өледі – кітабы таралмай.

Ақындар өледі – гонорар ала алмай!

Аймұханбет Бейсембеков