YouTube әлеуметтік желісінде белгілі журналист Жанболат Мамайдың «Алаш Республикасы жеңгенде...» атты тарихи фильмі жарық көрді, деп жазады Qamshy.kz ақпарат агенттігі. 

Аталмыш тарихи фильм «Тәуелсіздік үшін күрес», «Қазақстандық демократтар мен алғашқы тәуелсіздік», «Олар Қазақстаннан екінші Жапония жасамақ болды», «Алаш Республикасы жеңгенде...» атты 4 бөлімнен тұрады.  

«Бұл фильмде: егер Алаш Республикасы, Алашорда үкіметі жеңгенде, қазір қандай мемлекетте өмір сүрер едік? Олар қандай ел құруды армандады? деген күрделі сауалдарға жауап іздедік. Жауабы анық: демократиялық, дамыған ел болар едік», — деп жазды Жанболат Мамай өзінің фейсбук парақшасына.

Сонымен бірге ол аз уақыттан кейін фильмнің қазақша нұсқасы жарияланатынын айтты. 

Автордың айтуынша, фильмде Мұстафа Шоқай, Тұрсын Жұртбай, Мәмбет Қойгелді, Сұлтан хан Аққұлұлы, Болат Мүрсәлім, Жапония жайлы жазған Джеймс Мак-Клейн және басқа да белгілі, беделді тарихшылардың, зерттеушілердің еңбектерінен көптеген дерек келтірілген.