Синоптиктердің болжамынша, Астанада 3-5 сәуір күндері күн жылы болады, деп хабарлайды Qamshy.kz ақпарат агенттігі елорда әкімігінің сайтына сілтеме жасай отырып.

«Қазгидрометтің» мәліметтеріне сәйкес, 3 сәуірде елордада күн ала бұлтты, жауын-шашынсыз болады. Жел батыстан секундына 0-5 метр жылдамдықпен еседі. Ауа температурасы түнде минус 7-9 градус, ал күндіз 1-3 градус нөлден жоғары болады. 4 сәуірде күн ала бұлтты, жауын-шашынсыз болады.

Жел оңтүстік-шығыстан 0-5 м/с жылдамдықпен соғады. Ауа температурасы түнде минус 8-10 градус, күндіз 3-5 градус нөлден жоғары. Ал, 5 сәуірде күн ала бұлтты болады, жауын-шашынсыз. Оңтүстік-шығыстан 3-8 м/с жел тұрып, ауа температурасы түнде минус 4-6 градус, күндіз 8-10 градус жылы болады.