Ақорданың Facebook-тегі парақшасы Елбасының мамырдағы жұмыс барысын видео арқылы көрсетті. Онда Нұрсұлтан Назарбаев пен үкімет басшысы Бақытжан Сағынтаевтың 1 мамыр – Қазақстан халқы бірлігі күнінде билеген сәтін көруге болады.
Мамырда Мемлекет басшысының жұмыс кестесі маңызды оқиғалар мен кездесулерге толы болды. Ақордадағы кездесулер мен отырыстардан өзге Назарбаев Қазақстан бойынша екі мәрте жұмыс сапарын жасап, Сочиде өткен Жоғары Еуразиялық экономикалық комиссияның отырысына қатысты. Ақорданың баспасөз қызметінде Қазақстан президентінің қызметі туралы 51 ақпарат жарияланды.
