"Құдай-ай, заман не болып бара жатыр, күн сайын бір сұмдықты еститін болдық, біздің кезімізде бұлай болмайтын, ақырзаман белгісі ме?" деп әр постының астына зарлауық коммент жаза беретін пікіршілер ! Сіздерге айтарым, заман бәрі орнында. Тек ол сіздің айта беретін баяғы заман да мүлтіксіз емес еді. Ол заманда да сұмдықтың неше түрі қазіргідей болған. Мəселен, ашаршылық жұт заманында интернет болса, небір сұмдықты көрген адам тіпті, есінен ауып кетер еді ғой. Ол заманда адам
жегіш маньяктар селфилетіп жүрсе, халықтың күйзеліске түскені түскен. Тек оның видеосын түсіріп алып, интернетке сала беретін мүмкіндік қана болмайтын ол заманда. Айырмасы сол. Соны түсініңіз.
Сіздің заманнан айырмашылығы тек, ол кезде әлеумжелі, интернет дейтін болмайтын. Себебі де сол, әлеумжелі, ғаламтор бүгінде қоғамның негативін төгетін қоқыс жәшігіне айналып кеткен. Екінші нұсқада, әлеумжелі қоғамдағы игілік, жәуһарлар сақталатын сырлы, қазыналы сандық. Сіздің қалауыңыз қайсы? Қоқыс жәшігіне үңілесіз бе, әлде, қазыналы сандыққа қарайсыз ба? Не тұтынсаң сол боласың. Не зор не қор боласың. Бар мәселе сонда. Таңдаңыз.
Қанат Әуесбайұлы, Facebook парақшасынан
Пікір қалдыру