–Қытай Халық Республикасының басшысы Си Цзиньпин мен премьер-министрі Ли Кэцян атышулы "Тақтар ойыны" телехикаясының тұрақты көрермендерінің қатарында деп хабарлайды Qamshy.kz ақпарат агенттігі Lenta.ru сайтына сілтеме жасап.

Си Цзиньпин Пекиндегі кездесулердің бірінде "Біз өзіміз өмір сүріп жатқан әлемді Вестерсонның жеті патшалығындағы секілді сұрапыл соғысқа айналдырып алмауға тырысумыз керек" деген сөзімен атақты телехикаяның сюжетін еске түсірді. Бұл жағдай кездесу қонақтарын қатты таңдандырған. Басылымның басқа да ақпараттарына сенсек, Си мен Ли күн тәртібі мен жұмыс кестесінің тым тығыздығына байланысты сүйікті телехикаяларының арнайы қысқартылған нұсқасын ғана тамашалайды екен.  

Си Цзиньпин өзінің хоббиі мен қызығушылығы туралы көп ақпарат бермейді. Қытай басшысының философиямен, тарих, әдебиет, музыка және спортпен әуестенетінін білеміз. Бұл туралы Си Цзиньпиннің өзі америкалық университеттің студенттерімен кездесуі кезінде айтқан.

Аударған: Дәурен Сыбанбай