Атырау қаласы әкімдігінің баспасөз қызметінің хабарлауынша, 3 тамызда Атырауда #birge #TazaQazaqstan экологиялық акциясының кезекті сенбілігі өтті. Сенбілікке 121 ұйымнан 2500-ге жуық қала тұрғыны қатысты.
«Экологиялық акцияға қатысушылар барлығы 38 тонна қоқыс жинады. Санитарлық тазалық жұмыстарына 38 арнайы техника жұмылдырылды – 23 КамАЗ, 4 автобус, 1 қайық, 2 тиегіш, 5 трактор және 1 манипулятор. Акция алдағы айларда тағы да жалғасын табады», – дейді Атырау қаласы әкімінің орынбасары Шәкір Кейкин.
Айта кетейік, #birge #TazaQazaqstan науқанының екі кезеңінде Жайық өзенінің жағасынан 60 тоннаға жуық қоқыс жиналды.
