2019 жылдың алғашқы 8 айы ішінде Тұрғын үй құрылыс жинақ банкі 31 523 қазақстандық отбасыға қолжетімді шарттармен займ берді, деп хабарлайды Qamshy.kz ақпарат агенттігі банктің баспасөз қызметіне сілтеме жасап.
Өткен жылдың дәл осы кезеңінде 22 363 займ берілген болатын. Бір жыл бұрын орташа есеппен алғанда күніне 133 отбасы баспаналы болса, ал биыл олардың саны 190-ға дейін артқан.
Жалпы, банктегі займның орташа сомасы 10,6 млн теңгені құрайды. Атап айтсақ, несиенің 38%-ы салымшыларға пәтерді жаңа салынған үйден сатып алу мақсатында берілсе, ал 58%-ы – қолданыстағы үйден пәтер сатып алу үшін берілген.
Тұрғын үй құрылыс жинақ банкі жұмыс жасағалы бері 204 208 қазақстандық отбасы өздерінің тұрғын үй жағдайын жақсартуға мүмкіндік алды.
Олардың ішінде: 88,7% – баспана иесі атанды, 6% – несиені өз үйіне жөндеу жұмыстарын жүргізу мақсатында алғандар, 1,5% – несиені жер үй салу мақсатында алғандар, 0,7% – несиені жер телімін сатып алу мақсатында алғандар.
Пікір қалдыру