Қазақстандық прокурорлар Бақытжан Сағынтаевтң жобаларына күдікпен қарай бастады. Еркін экономикалық аймаққа инвесторлар орнына ревизорлар келген.  Бұл туралы «ratel.kz» журналисті Жамилә Маричева жазады.

Павлодарлық прокуротура «Павлодар» еркін экономикалық аумағына тексеріс жүргізген. Ал аталмыш экономикалық зона қазіргі вице-премьер министрі Бақытжан Сағынтаевтың 2011 жылы облыс әкімі болып тұрған кезіндегі бастамасымен ашылған болатын.

Одан бері химпарктың инфраструктурасын өркендетуге мемлекет қазынанасынан миллардтаған қаржы бөлінгенімен нәтиже жоқтың қасы. Бұл туралы қазақстандық БАҚ аз жазбаған.

Мысалы, аталмыш химпарктың айналасын қоршауға бюджеттен  230 миллион теңге жұмсалған. Алайда ешқандай инвестор химпаркке қызығушылық танытпаған.

Сондай-ақ, аталмыш аумақта су құбырларын жөндеу үшін тағы 700 миллион теңге жұмсалыпты. Десе де, зауыт әлі өз жұмысын толық бастамаған. Ал жаңа жөнделген су құбырлары қайта жөндеуді талап етіп тұр дейді автор.

Айтпақшы, зауыттың қоршаулары мен су құбырларынан өзге кедендік бақылау құрылғылары орнатылған. Ал мұның сомасы – 450 миллион теңгеге жуықталған және қазіргі таңда зауыт аумағында 3,7 миллиард теңгеге бағаланған тағы бір құрылыс жүргізіліп жатыр.

Нұрзат Тоғжан