Қазақстанның бас санитарлық дәрігері Оңтүстік Кореяда коронавирустың эпидемиологиялық жағдайы нашарласа, елде бұдан да қатаң шараларды қолданады.  Бұл туралы денсаулық сақтау министрі Елжан Біртанов БАҚ өкілдерімен кездесуде айтты.

– Біз Оңтүстік Кореядағы жағдайды қадағалаймыз. Өткен тәулік ішінде өсім алдыңғы күнмен салыстырғанда шамамен 48% құрады. Бұл өте жоғары қарқын. Өкінішке орай, өсу тенденциясы бар. Қытайда өсудің ең жоғары қарқыны тәулігіне 65-70% болды. Сондықтан жағдай нашарласа және пациенттер санының өсу қаупі төнетін болса, біз тағы да батыл шаралар қолданамыз, – деді Біртанов.

Оның айтуынша, Оңтүстік Кореяда 30 мың Қазақстан азаматы бар. Егер олардың 25 мыңы оралғысы келсе, онда медициналық мекемелерде пациенттерге арналған орындар жетіспеуі мүмкін.

– 25 мың адам елге оралғысы келеді делік. Бұл үлкен көрсеткіш. Бүгінде біздің жұқпалы аурулар емханаларында 7 мыңға жуық резервтік орын бар. Ал, медициналық мекемелерде шамамен 3500 адам карантинге шыға алады. Егер бұл көрсеткіштен асып кетсе, онымен қатаң жұмыс жасаймыз, біздің де өз әдіс-тәсілдеріміз бар, – деді министр.

Ол Қазақстан коронавируспен ауыратын жалғыз елден алыс екенін айтты.