Алматыда базарлар мен ресторандар қашан ашылады?

Алматы қаласының әкімі Бақытжан Сағытбаев бейнеконференция арқылы қала тіршілігінің қалай қалыпқа келетіні туралы айттып, көлік жуу орындары, ресторандардың, азық-түлік базарларының қашан ашылатынын мәлім етті.

– Басында 20 сәуірден автожуу, дөңгелек жөндеу орындарын, техника жөндейтін жерлерді ашамыз деп ойладық. Бірақ оларды 27 сәуірге шегеріп отырмыз. Ал сауда орталықтары мен сауда үйлері, үлкен азық-түлік базарлары мен ресторандар секілді адам көп жиналатын орындар мамыр айының ортасына дейін карантинде болады деп жоспарлануда, – деді қала әкімі.

Кеше, төтенше жағдай режимін қамтамасыз ету жөніндегі мемлекеттік комиссияның кезекті отырысында 20 сәуірден бастап Нұр-Сұлтан мен Алматыда жұмысын қайта бастайтын қызмет түрлерінің тізімі бекітілген.

Оған сәйкес, Нұр-Сұлтан қаласында:

өнеркәсіптік кәсіпорындар;
құрылыс және жол-құрылыс салаларының компаниялары, ірі құрылыс дүкендері;
көлік, қоймалау салаларындағы компаниялар, ауыл шаруашылығы мақсатындағы сервистік компаниялар;
автосалондар, ТҚС, авто жуу, дөңгелек ауыстыру сервисі, автобөлшектер дүкендері, химиялық тазалау, кеңсе техникасын жөндеу;
екінші деңгейлі банктер сағат 9:00-ден 16:00-ге дейін штат санының 50%-ын шектеумен, нотаруистер алдын ала жазылу бойынша жұмыс істейді;
қоғамдық тамақтану нысандарының жұмысы тек өзімен алып кету және жеткізу қызметімен сағат 22:00-ге дейін ұзартылады.

Алматы қаласында:

өнеркәсіптік кәсіпорындар;
құрылыс және жол-құрылыс салаларының компаниялары, құрылыс материалдарының ірі көтерме базарлары;
нотариустер алдын ала жазылу бойынша;
тек бизнеске қызмет көрсету үшін ХҚКО бір бөлімшесі (Наурызбай ауданы, Шұғыла шағын ауданы, 347/1) жұмыс істейді.

Алматыда базарлар мен ресторандар қашан ашылады?

Қатысты тегтер :

Пікір қалдыру

Қатысты Мақалалар