The Times газеті "2013 жылы Қытай ғалымдары COVID-19 пневмониясына ұқсас ауру тудыратын белгісіз вирусты тапқан" деп хабарлады.

Басылым 2012 жылдың тамыз айында шағын зерттеу тобы жұмбақ өлімді зерттеу үшін Қытайдың оңтүстік-батысындағы кен орнына барғанын мәлімдеді.

"2012 жылы Қытайда алты ер адам COVID-19 жұқтырғандарда кездесетін симптомдарға ұқсас ауру белгілерімен ауырған, үшеуі көз жұмған" деп жазды газет.

The Times ғалымдардың шағын зерттеу тобы  барған кен орнында жарғанаттар мен егеуқұйрықтардың барын, ол жер мутацияға ұшыраған микроорганизмдер мен адамға қауіпті патогендердің өсуіне ыңғайлы болғанын, бірер аптадан кейін шахтаға кірген алты ер адамның белгісіз пневмониямен ауырғанын, олардың үшеуі қайтыс болғанын жазды.

Ал, The Financial Press басылымының ақпаратынша , 45 жастағы ер адам 2012 жылдың 24 сәуірінде Қытайдың оңтүстік-батысында  ауыр пневмонияға шалдығып, жансақтау бөліміне түскен.

Келесі күні 42 жастағы Lv есімді ер адам өлімге душар ететін дәл сондай белгілермен ауруханаға жеткізілген.

Бейсенбіге қарай тағы үш оқиға болған.

63 жастағы Чжоу, 46 жастағы Лю және 32 жастағы Ли реанимацияға түскен.

Ву есімді алтыншы ер адам жансақтау бөліміне келесі сәрсенбіде түскен.

Алты адамға Можян аймағындағы Тонггуан қаласының оңтүстігіндегі таулы мыс кенішіндегі қоқыстан дәрілерді тазарту тапсырылған.

Оларда дене қызуы 39 градустан жоғары болған. Оларда сондай-ақ жөтел мен аяқ-қолдардың ауруы сияқты классикалық коронавирус белгілері байқалған. Бесеуінде тыныс алуы қиын болған.

Алғашқы екі адам қайтыс болғаннан кейін, қалған төртеуі қан кету, дене безгегі, жапон энцефалиті және тұмауға қатысты сынақтардан өтті, бірақ бәрі теріс нәтиже берген.

Атышулы коронавирустық сараптама орталығы Ухань вирусология институты  тірі қалған төрт адамды тесттен өткізген.

Төрт адамнан да САРС вирусына теріс нәтиже шыққан. Төрт адамда да белгісіз САРС вирусына ұқсас коронавирусқа қарсы антиденелер бар екенін анықталған.

Сонымен қатар, қалпына келген екі пациент ауруханада жатқан екі адамға қарағанда антиденелердің көбірек деңгейін көрсеткен, олардың біреуі кейін қайтыс болған.

Алайда осы оқиғаға байланысты Қытайда САРС вирусына ұқсас коронавирустың табылғаны туралы немесе үш адамның қайтыс болғаны жайында ақпарат жарияланбаған.

Дегенмен, бұл ақпараттар қытайлық студенттің докторлық диссертациясынан табылған. Жасырын аурудың өте маңызды мәліметтері, соның ішінде антиденелер сынақтарының нәтижелері қытайлық ауруларды бақылау және алдын алу орталығы директорының студенті Ли Сюдың PhD диссертациясында жарияланған.

Жас дәрігер Ли Сю бұл туралы тезисте бірнеше тұжырымдар жасаған. Оның жетекшісі, профессор Циан Чуяньюн, белгісіз вирустан зардап шеккен алты адамды емдеген төтенше жағдайлар бөлімінде жұмыс істеген.

Жас зерттеушінің тезистері, ең алдымен, вирустың жарқанаттан пайда болғанын, САРС-қа  ұқсас коронавирус екенін көрсетті.

– Бұл белгісіз вирустан пайда болған пневмониядан зардап шеккен алты шахтер жұмыс істеген кен орнындағы жарқанатты зерттеуді маңызды зерттеу тақырыбына айналдырды, – деп қорытындылаған Ли Сю.