Қарағандыда 2021 жылға қарай көмір байыту фабрикасы салынады, деп хабарлады Индустрия және инфрақұрылымдық даму министрлігінің баспасөз қызметі.
Шығарылатын көмір концентратының негізгі тұтынушысы "YDD Corporation" ЖШС Қарағанды ферроқорытпа зауыты болады. Сондай-ақ өнімнің бір бөлігін экспортқа шығару жоспарланған, қалған бөлігі компанияның қажеттіліктері үшін шикізат ретінде пайдаланылады.
"Қазақстанның Даму Банкі" бүгінде "Qaz Carbon" ЖШС-ға көмір байыту фабрикасын салу және модернизациялауға арналған өндіріс үшін 7 жыл мерзімге 9 млрд 24 млн теңге көлемінде несие желісін ашқан.
Жобаның жалпы құны – 12 млрд теңге. Инвестор өз қаражаты тарапынан 3 млрд теңге инвестиция салды, оның ішінде шетелдік инвестициялар бар.
Байыту процесі автоматтандырылып, өндіріс басқару орталығынан оператор көмегімен жүргізіледі.
Зауыттың қуаттылығы сағатына 300 тонна немесе жылына 1 800 000 тоннаны құрайды.
Болашақ зауыттың көмір концентратын өндіруге Қарағанды облысының көмірі пайдаланылады.
Жобаны іске асыру барысында 110 тұрақты жұмыс орны құрылмақ. Құрылысқа 500-ден астам адам тартылады.
Зауытта шойын және болаттан жасалған бұйымдардың 900 түрін, кокс және жартылай кокс өнімдерін өндіру көзделуде.
Пікір қалдыру