Шетелде жүрген қазақстандықтар сайлауға қатыса ала ма?

/image/2020/11/13/crop-142_14_1383x1844_1498618229_article_b_1500_.jpg

Шетелде жүрген қазақстандықтар 2021 жылдың 10 қаңтарында өтетін парламент мәжілісі депутаттарының кезекті сайлауына қатыса алады. Бұл туралы сыртқы істер министрлігінің ресми сайты хабарлады.

53 мемлекетте Қазақстан азаматтарының сайлау құқығын қамтамасыз ету үшін  66 сайлау учаскесі ашылады.

"ҚР сайлау туралы конституциялық заңының 24-бабы 8-тармағына сәйкес, Қазақстанның шет мемлекеттердегі өкілдіктері жанындағы сайлау учаскелері бойынша сайлаушылар тізімі дауыс беру күніне дейін өзектендіріледі" делінген хабарламада.

Министрліктің мәлімдеуінше, шетелдегі сайлау процесін уақтылы және толықтай дайындау мақсатында Қазақстан азаматтары жақын маңдағы сайлау учаскесіне алдын-ала хабарласып, сайлаушылар тізіміне енгізу үшін мәлімет беруі қажет.

Пікір қалдыру

Қатысты Мақалалар