Алматы облысы Қапшағай қаласының маңында жол апаты болып, 5 адам көз жұмды, деп хабарлады облыстық полиция департаменті.
Қайғылы оқиға 14 тамыз түстен кейін болған. "Daewoo Nexia" көлігін басқарған 64 жастағы зейнеткер рөлге ие бола алмай, Алматы-Өскемен тасжолының 122-ші шақырымында аударылған.
Салдарынан көлікте отырған 8 адамның 5-і қайтыс болған, оның 3-і кәмелетке толмаған балалар. Ал 3 адам Қапшағай ауруханасына жеткізілді.
Қазір аталған іс қылмыстық кодекстің 345-бабы (жол ережесін бұзу) бойынша тіркелді. Тиісті сараптама тағайындалды.
Пікір қалдыру