Президент Қасым-Жомарт Тоқаев Ауғанстанда қалыптасқан жағдайға байланысты жиын өткізді. Бұл туралы президенттің баспасөз хатшысы Берік Уали хабарлады.
Жиында Ауғанстан Ислам Республикасындағы жағдайға байланысты шұғыл әрекет ету шаралары және Қазақстан азаматтарының қауіпсіздігін қамтамасыз ету мәселелері айтылған.
"Президент құзырлы мекемелерге Ауғанстандағы жағдайды жан-жақты бақылауда ұстауды тапсырды. Бұл осы елмен бұдан былайғы ынтымақтастық бойынша шешім қабылдау үшін аса маңызды екенін ескертті.
"Президент құзырлы мекемелерге Ауғанстандағы жағдайды жан-жақты бақылауда ұстауды тапсырды. Бұл осы елмен бұдан былайғы ынтымақтастық бойынша шешім қабылдау үшін аса маңызды екенін ескертті.
Күні кеше 15 тамызда президент Тоқаев күштік құрылымдардың басшыларымен жиын өткізіп, Ауған Ислам Республикасындағы азаматтарымыз бен дипломаттарымыздың қауіпсіздігін қамтамасыз ету жөнінде тапсырма берген болатын.
Осыған орай, сыртқы істер министрлігі Ауғанстанда дипломаттардан басқа Қазақстан азаматтары жоқ екенін, бүгінгі күні Қазақстан елшілігі Кабулда жұмысын жалғастырып жатқанын хабарлады" делінген ақпараттық хабарламада.
15 тамыз күні Тәліптер Ауғанстан билігі мен Кабулды басып алған. Президент Ашраф Гани елден кетіп, жұбайымен бірге Өзбекстан арқылы Оманда екені белгілі болды.
Талибан – Қазақстан, Ресей мен өзге елдерде тыйым салынған террористік ұйым.
Пікір қалдыру