Әлеуметтік желілерде Ауғаныстанның астанасы Кабулдан ұшып бара жатқан ұшақтан құлаған адамдардың видеосы жарияланды.

Видеода ұшақтан адамдардың құлап жатқанын көруге болады. Бейресми ақпараттарға сүйенсек бұл Кабулдан кеткісі келетін адамдар деп болжануда. Әзірге нақты адам саны белгісіз.

"Ұшаққа жасырынып мінген екі адамның жерге құлап түскен видеосы әлеуметтік желілерде тарала бастады" делінген жергілікті Shamshad News телеарнасы таратқан ақпаратта.

Бұған дейін АҚШ әскери күштері Кабул әуежайында ауғандықтарға оқ жаудырғаннан кейін бірнеше адам қайтыс болғанын хабарлаған. Кейіннен АҚШ әскери күштері Ауғанстан астанасының әуежайының ұшу жолағында көп адам жиналғандықтан ескертпе түрінде оқ атқаны айтылды.

Exclusive - The video shows a flight from #Kabul airport where two people are thrown from a plane into the the people's homes.#Afghanistan #Taliban pic.twitter.com/GlSgjNApJj

— Aśvaka - آسواکا News Agency (@AsvakaNews) August 16, 2021

Not a scene of Hollywood, it’s Just #Kabul air port, people want to run away, after the Capture of Kabul by the #Talibans #Afghanistan
By: @Mukhtarwafayee pic.twitter.com/ZLYieJm9mX

— Aśvaka - آسواکا News Agency (@AsvakaNews) August 16, 2021

15 тамыз күні Талибан қозғалысының содырлары Ауғанстан астанасы Кабулға кіріп, президент сарайын басып алғаны хабарланған. Олар іс жүзінде Ауғанстан Ислам Әмірлігінің құрылғанын жариялап, елдегі билікті басып алды. 

Reuters ақпараттық агенттігі Ауғанстан президенті Ашраф Ғани тәліптер Кабулға кіргеннен кейін Кабул әуежайынан өз елін тастап кеткенін мәлімдеген.

Талибан – Ауғанстандағы билікті басып алған діни экстремистік ұйым. Оған Қазақстанда, Ресейде және басқа да бірқатар елде тыйым салынған.