Қостанай қаласының бұрынғы әкімі Базыл Жақыпов өмірден өтті. Бұл туралы Қостанай облысы әкімінің баспасөз хатшысы Кенже Қонысбай өзінің әлеуметтік желідегі парақшасында хабарлады.

"4 қазан күні 56 жасқа қараған шағында Қостанай облысының құрметті азаматы Жақыпов Базыл Шамұханұлы өмірден өтті" делінген харалы хабарда.

Жақыпов Базыл Жамуханұлы 1965 жылы туған. 1991 жылы Целиноград ауыл шаруашылығы институтын агрономия мамандығы бойынша тәмәмдаған. 2006 жылы Алматы қаласының Экономика және статистика академиясын қаржы бакалавры біліктілігі бойынша бітірген.   

2004 жылы мемлекеттік қызметке келіп, Қарабалық аудандық ауыл шаруашылығы және азық-түлік басқармасының бастығы болып қызмет еткен.   

2004 жылдан бастап, Қарабалық ауданы әкімінің орынбасары қызметін атқарған.

2008 жылдан бастап Қостанай қаласы әкімінің орынбасары болған.

2009 және 2012 жылдар аралығында Ұостанай облысындағы Меңдіқара ауданының әкімі қызметін атқарған.  

2012-2015 жылдар аралығында Қостанай облысы әкімінің орынбасары қызметін атқарған.

Соңғы жылдары "Тобыл" АҚ-ны басқарған.