Нұрсұлтан Назарбаев Люксембург премьер-министрі Ксавье Беттельмен кездесті Бұл туралы «Қамшы» порталы ortcom.kz сайтына сілтеме жасай отырып хабарлайды.

Кездесу барысында екі ел арасындағы екіжақты байланыстың дамуы, Қазақстан мен Еуропалық Одақтың серіктестігін нығайтуы жөніндегі мәселелер талқыға салынды.

Нұрсұлтан Назарбаев Қазақстан мен Люксембург арасындағы өзара тиімді серіктестікті әрі қарай нығайтуға толықтай дайын екендігін айтты.

Сонымен қатар, Қазақстан Президенті Ксавье Беттельді Еуропалық Одаққа төрағалық етуімен құттықтап, ЕО пен Қазақстан арасындағы келісімдердің жақын арада бекітілетініне сенім білдірді.

Өз кезегінде, Люксембург премьер-министрі оған Астанада көрсетілген қонақжайлыққа алғыс білдіріп, Астана форумының ойдағыдай өткенін атап өтті.

«Қамшы» порталы