23 қараша күні Ақтөбе облысының әкімдігінде өңір басшысы Оңдасын Оразалиннің төрағалығымен аппараттық жиналыс өтті.
Жиынға Ақтөбе қаласы мен аудан әкімдері, барлық басқармалардың басшылары қатысты.
Жиын кезінде алдымен өңірдегі санитарлық-эпидемиологиялық жағдай қаралды.
Облыс әкімі тұрақты санитарлық-эпидемиологиялық жағдайға қарамастан санитарлық талап шараларының сақталуын жаппай қамтамасыз етуді жалғастырып, халыққа екпе салу қарқынын жандандыруды қажет екенін атап өтті.
Бұдан бөлек, облыстың биылғы жылға арналған әлеуметтік-экономикалық дамуының алдын ала қорытындысы, бюджеттің игерілуі мен Ақтөбе қаласы бойынша «Nur Otan» партиясының сайлауалды бағдарламасының Жол картасының жүзеге асырылуы қаралды.
Облыс әкімі өңірдің әлеуметтік-экономикалық дамуының маңызды мақсатты индикаторларының қорытындысы бойынша жетістіктерге байланысты бірқатар тапсырмалар берді.
Оңдасын Оразалин: «Біздің міндетіміз — жыл қорытындысы бойынша Мемлекет басшысының, Үкіметтің халықтың әл-ауқатын жақсартуға бағытталған тапсырмаларын орындау үшін барлық резервтерді пайдалану»,- деп атап өтті.
Ақтөбе облысы әкімінің баспасөз қызметі
Пікір қалдыру