Асқар Мұратұлы "Қазавтожол" төрағасы қызметінен босатылды. Бұл туралы ол әлеуметтік желідегі парақшасында мәлімдеді.

Асқар Мұратұлы "ҚазАвтоЖол" АҚ басқарма төрағалығына 2021 жылдың сәуірінде тағайындалған.

Аталған қызметке келмей тұры 2 жыл Ақмола облысы әкімінің орынбасары қызметін атқарған.

Еңбек жолын 1998 жылы бастаған. 1998-2002 жылдары көлік және коммуникация министрлігінде жетекші маман, кейін автомобиль жолдары комитетінің бас маманы, бөлім бастығы, басқарма бастығының орынбасары қызметтерін атқарған.

2012-2015 жылы Ақмола облысы жолаушылар көлігі және автомобиль жолдары басқармасының басшысы болған.

2015 жылдан 2017 жылға дейін Ақмола облысы Зеренді ауданының әкімі болып жұмыс істеді.

2017-2019 жылдары Ақмола облысы жолаушылар көлігі және автомобиль жолдары басқармасының басшысы болған.