Астанада бүкіләлемдік Astana Leisure 2015 туристік көрмесінің аясында «Recommended by EXPO - 2017» атты бағдарламасына арналған баспасөз мәслиxаты өтті. бұл туралы Қамшы порталы Информ.кз-ке сілтеме жасай отырып хабарлайды.

 Аталмыш бағдарламаның ұйымдастырушылары Астана әкімдігі мен «Астана ЭКСПО - 2017» Ұлттық компаниясы екенін айта кеткен жөн.

Олардың айтуына қарағанда, бағдарламаға елорданың туристік инфрақұрылымына үлес қосып отырған қонақүйлер мен қоғамдық тамақтану орындары тартылмақ.

 Талаптан сүрінбей өткен ең жақсы туристік нысандар «Recommended by EXPO - 2017» белгісіне ие болады және Астана серіктесі мәртебесі беріледі.

Бағдарламаның басты мақсаты Астана беделіне әсер ететін туристік орындардың қызмет көрсету сапасын арттыру.

Қатысушыларды Елорда әкімдігінің,  «Астана ЭКСПО - 2017» ҰҚ, Астананың кәсіпкерлер палатасы, Туризм индустриясының одағы қызметкерлерінен құралған арнайы комиссия бағалайды. Оның тізгінін Астана әкімінің орынбасары Нұрәлі Әлиев ұстады.

«Шетелден келген меймандар Астанада жайлы сезінгені біз үшін маңызды. Біз бұл бағдарламаны барлық өңірлерде жүргіземіз. Қазіргі уақытта «ЭКПО-2017» нысанын туристік маршрутқа қосу бойынша туроператорлармен келіссөздер жүргізілуде. Келісімдер барлық аймақтардағы операторлармен жасалды. Сонымен қатар өзге де маршруттар бойынша коммерциаландыру ісі аяқталып қалды. Жыл соңына дейін бұл жұмыс тәмамдалады және 2016 жылы Ол маршруттар сатылымға шыға бастайды. Қазіргі уақытта туристік маршруттардың, қонақүйлердің, таксопарктердің критерийлері жасақталуда», - дейді «Астана ЭКСПО - 2017» ҰҚ» АҚ маркетинг департаментінің директоры Айгүл Мүкей. 

Ұйымдастырушылардың атап көрсеткеніндей, жақын арада www.welcometoastana.kz атты турситік портал ашылады.