Егер коронавирус жұқтырғандардың саны көбейсе, Қазақстанда маска режимі қайта енгізілуі мүмкін. Бұл туралы ҚР премьер-министрінің орынбасары Ералы Тоғжанов мәлім етті, деп жазады BaigeNews.kz.
"Қазір екпе мәселесі – ең басты мәселелердің бірі. Бірақ коронавирус жұқтырғандардың саны артатын болса, маска режимін қайта енгізетін боламыз. Қазір күніне 100 адамға дейін өсу бар, сондықтан сұрақтар туындап жатыр. Өңіраралық комиссияның отырысына карантиндік шараларды күшейту мәселелерін енгізіп жатырмыз. Бұл тек бетпердеге қатысты емес, жалпы алғанда, шараларға қатысты", деді Ералы Тоғжанов.
Тоғжанов денсаулық сақтау министрлігіне екпе жұмыстарын күшейтуді тапсырды.
Пікір қалдыру