«Нұр Отан» партиясы Елбасы саясатын, елдік мүддені, ұлттық идеологияны жүзеге асыруда қашанда бұқаралық ақпарат құралдарымен тығыз әріптестікте жұмыс істеуге әзір. Бұл туралы Қамшы порталы Айқын-ақпаратқа сілтеме жасай отырып хабарлайды.

Алдағы уақытта партиялық алаңда БАҚ басшыларымен тұрақты түрде кездесу өткізіп, ақпараттық кеңістіктегі ахуалға қатысты кеңес құруды жолға қоймақшы. Мұндай басқосу­лар­ды қоғамдық ұйымдардың, зиялы қауымның өкілдерімен, кәсіпкер­лермен де жүйелі түрде ұйым­дас­тыру көзделуде. Бұл мәселе­лер саяси ұйымның жаңадан түзіліп жатқан бірыңғай медиа сая­сатында қамтылады. Бұл ту­ралы Астанада Қазақ хан­дығы­ның 550 жылдығы қарсаңында «Нұр Отан» партия­сы Төрағасы­ның бірінші орын­басары Асқар Мырзахметовтің республикалық бұқаралық ақпарат құралдары басшылары­мен өткен бейресми кездесуінде айтылды.
Бұған дейін мәлімделгендей, «Нұр Отан» қызметінде жаңару мен жаң­ғырту, тың бетбұрыстар орын алмақ­шы. Партия мемлекеттік бағдарла­малардың орындалуына, мемлекет қар­жысының тиімді жұмсалуына пар­тиялық бақылау мен бағалаудың тұ­рақты жүйесін қалыптастырып, соны­мен бірге қоғамдық қабылдаулар­дың жұмысын күшейтпек.
Бастауыш партия ұйымдарының жұмысын жүйелеу, «Жас Отанның» қыз­метін жандандырып, жастарды нақты іске жұмылдыру, партияның Парламенттегі мүмкіндігін барын­-
ша кеңінен пайдалану, Сыбайлас жемқорлыққа қарсы идеология мен жұмысты күшейту де қолға алынбақ. Осынау істің түйіні – Елбасының пар­тияның соңғы Бюросында берген тап­сырмаларын жүзеге асырып, партияны одан әрі нығайту.
Партия Төрағасының бірінші орын­­басары бұл бастамаларды іске асыруда партия мен бұқаралық ақпа­рат құралдарының бірлескен іс-қи­мылы аса маңызды екеніне тоқталды. Сондай-ақ бүгінде партияның бірың­ғай жаңа медиа саясат әзірлеп жатқа­нын, осының аясында БАҚ пен өзара байланыстың жандана түсетінін мә­лімдеді.
«Нұр Отан» елдің игілігі жолында қашанда бұқаралық ақпарат құрал­дарымен бірлесе жұмыс істеуге әзір. Партияның мақсаты да, бұқаралық ақпарат құралдарының мақсаты да біреу. Ол – еліміздің гүлденуіне, тәуел­сіздігіміздің баянды болуына, мемле­кеттігіміздің нығаюына қызмет ету. Сондықтан мұндай кездесуді ендігі жер­де тұрақты түрде өткізіп тұруды көз­деп отырмыз» деді А.Мырзах­-метов.
Сондай-ақ ол Елбасының Қазақ Хандығының 550 жылдығына арнал­ған салтанатты жиында айтқан келелі ой-толғамдарын БАҚ арқылы жұрт­шы­лыққа кеңінен насихаттауға ша­қырды.
БАҚ басшылары бұл бастамалар­-ды құп көретінін айта келе, көкейдегі сауалдарын да қоя отырды.
Республикалық «Central Asia Mo­nitor» басылымының Бас редакторы Бигелді Ғабдуллин «Нұр Отанның» 
6 мыңға жуық бастауыш партия ұйымы қоғамда үлкен күш екеніне тоқтала келе, алдағы уақытта партия осы құ­ры­лымдармен жұмысты жандандыруға қаншалықты көңіл бөлетінін сұрады.
Партия Төрағасының бірінші орын­­­басары алдағы кезеңге жоспар­ланған жұмыстардың басым бағыт­та­рының бірі осы екенін айтып, бас­та­уыш ұйымдардың жұмысын жүйе­-
леу, Орталық аппарат пен өңірлер ара­сында тығыз байланыс орнату қолға алынып жатқанын мәлімдеді. Ол үшін ең бірінші оларға тиісті жағдай жаса­лады. Материалдық қолдаумен бірге моральдық ынталандыру да қолға алын­бақ. Сонымен қатар жергілікті жердегі партия белсенділерін депутат­тыққа, партиялық және мемлекеттік қызметке кеңінен тарту қарас­тыры­лады.
Бұдан соң пікір алмасу отандық ақпарат кеңістігіндегі ахуал, бұқара­лық ақпарат құралдарының өзекті мә­селелері жөнінде өрбіді.
Белгілі қаламгер, «Ара» газетінің бас редакторы Көпен Әмірбек БАҚ-ты сыбайлас жемқорлықпен күрестің құ­ралы ретінде кеңінен қолдану мәселе­сін көтерсе, Қазақстан Журналистер одағының басқарма төрағасы Сейт­қазы Матаев, «Қазақстан» РТРК» АҚ Басқарма төрағасы Нұржан Мұхамед­жанова, «Хабар» Агенттігі» АҚ Бас­қарма төрағасы Айдос Үкібай, «7 арна» телеарнасы Директорлар кеңесінің төр­ағасы Бибігүл Жексенбай, «Еур­азия» бірінші арнасы бас дирек­торы­ның бірінші орынбасары Светлана Жалмағамбетовалар бүгінгідей күрделі кезеңде партияның қоғамды бірлікке жұмылдыруда шешуші рөл атқара­тынын, осы орайда БАҚ-пен бірлескен іс-қимылдың маңыздылығын айтты.

 "Қамшы" сілтейді