Қазақ-қырғыз шекарасында 20-тамыздан бері Қырғызстаннан келетін жүк көліктері тұрып қалған. Жүргізушілердің айтуынша, бір тәулікте шекарадан небәрі 12 көлік өткен. 

Қырғыз тарапынан ешқандай кедергі жоқ екені хабарланды.

"Кең-Бұлын-автожолдары" және "Ақ-Тілек" өткізу пункттерінде бірнеше күннен бері жүк көліктері қаңтарылып тұр. Қазір онда 500-ден астам жүк көлігі жиналып қалған. Күніне бірнеше жүк көлігі ғана өткізіледі. Жүргізушілердің айтуынша, ҚР тарапынан кеден Ресейдің, Беларусьтің, тіпті Қазақстанның жүк көліктерін өткізбейді.

Жүргізушілер жүк көліктерінің Қазақстанға кіргізілмеу себебіне қатысты түрлі нұсқа айтады. Олардың бірі бойынша, бұл Қырғызстанның Қазақстанға суармалы су жеткізуді тоқтатуына байланысты. Екінші нұсқа бойынша, қазақстандық шекарашылар есірткі тиелген өзбекстандық жүк көлігін іздеп жатыр деген болжам бар.