Жақында желіде сотталған Куандық Бишімбаевтың әкесі Тараз қаласында жекеменшік университет ашпақшы деген ақпарат тарады.

2025 жылғы 3 сәуірде Ғылым және жоғары білім министрлігінің қоғаммен байланыс департаментінің директоры – баспасөз қызметінің жетекшісі Олжас Беркінбаев әлеуметтік желілердегі бұл ақпараттарға байланысты мәлімдеме жасады.

Оның айтуынша, "Білім туралы" заңның 5-3-бабына сәйкес, кадрларды даярлау бағыттары мен оқыту түрлері бойынша жоғары және жоғары оқу орнынан кейінгі білім беруге арналған білім беру қызметін жүзеге асыру үшін заңды тұлғаларға лицензия және (немесе) лицензияға қосымша беру - ғылым және жоғары білім саласындағы уәкілетті органның құзырында.

Осыған байланысты, ол былай деп жалғастырды: жоғары және жоғары оқу орнынан кейінгі білім беру саласындағы кез келген білім беру қызметі міндетті түрде лицензиялануы тиіс.

Сондай-ақ жеке және заңды тұлғалардың "Рұқсаттар және хабарламалар туралы" заңда белгіленген рұқсат беру немесе хабарлау тәртібімен жүзеге асырылатын қызметті немесе әрекеттерді (операцияларды) тиісті рұқсат алмай немесе тиісті хабарлама жібермей жүзеге асыруына жол берілмейді.

Жоғарыда айтылғандарға сүйене отырып, министрлік Bishimbayev University оқу орнының білім беру қызметін жүзеге асыру үшін лицензия алуы мүмкіндігін жоққа шығарады, сондай-ақ “е-лицензиялау” ақпараттық жүйесінде ешқандай өтінім тіркелмегенін хабарлайды, - деді Олжас Беркінбаев.