«Muzart» tobynyń burynǵy ánshisi, búginde óz aldyna jeke shyǵarmashylyqpen aınalysyp júrgen Maqsat Bazarbaev «Toı jyry» baǵdarlamasynda toǵyz jyl perzent súımeı qınalǵan kezeńi jaıynda baıandap berdi, - dep habarlaıdy Nur.kz.

El aldynda endi tanyla bastaǵan jas jigit Ásel esimdi arýǵa ǵashyq bolyp, ınabatty qyzǵa úılenýdi birden maqsat etken. Súıiktisin alyp qashqan ánshi jigit bir jyldan soń ǵana kelinshegine aq kóılek kıgizip, toı jasaǵan.

Qos ǵashyqtyń úılenýine kedergiler az bolmady. Talaı tosqaýyldan ótip úılengen soń, taǵdyrdyń synaqtary kúsheıe túsken.

«Úılengen soń toǵyz jyldaı perzent kórmedik. Allanyń synaǵy boldy. Shydammen tózip berdik», — deıdi Maqsat Bazarbaev sol bir qıyn sátti eske alyp.

Búginde úsh uldy tárbıelep otyrǵan jupty ajyratýgǵa nıetti adamdar da tabylǵan.

«Ol kezde de aramyzda túsip jatqan adamdar boldy. Oıbaı, sen qyz-qyrqynnyń arasynda júrsiń ǵoı dedi. Biraq onyń bárin qulaqqa ilmeı, ózimiz tynysh ómir súre berdik», — deıdi otaǵasy.

Eshqandaı synaqqa synbaı, otbasy úshin janyn aıamaǵan jaryna Áseldiń rızashylyǵy sheksiz.

«Bizdiń áke-sheshemiz de aralasqan joq. «Ondaı ajyrasý degen nárseni aıtýshy bolma» dep ákem aqylyn aıtty. Ondaı oı meniń túsime de kirip shyqqan joq. Óıtkeni jaqsy kórip, bir-birimizdi túsinip baryp úılengennen keıin jarty jolda bir-birimizdi qıyp qalaı tastap ketemiz, olaı bolmaıdy ǵoı», — dedi ánshi áńgimesinde.

Toǵyz jyldan keıin otbasynyń kóp jyldar boıy ańsaǵan uldary ómirge keldi. Atasy Ańsar dep at qoıǵan uldyń artynan izbasar inileri erdi.

Búginde Maqsat Bazarbaevtyń basty maqsaty — uldaryna úlgi bolý. Juldyzdy otbasy búginde Ańsar, Aıbar, Aıat esimdi úsh birdeı atqaminerdiń ata-anasy. Al áıeliniń aıaǵy aýyr ekenin meńzegen ártis taǵy bir qýanyshtyń aýyly alys emes aıtty.