11 naýryz kúni Almaty qalasyndaǵy Smart Point ortalyǵynda jýrnalıs, İT mamany Meıirjan Áýelhanulynyń qazaq tilinde "Jasandy ıntellekt álippesi" kitabynyń tusaýkeseri ótti. 

     Bul eńbek “AI-Hub” kompanıasy aıasynda jaryqqa shyqqan. 

    Atalǵan shara aıasynda kitaptyń tanystyrylymy ótip, jasandy ıntellekt salasyndaǵy ózekti máseleler jan-jaqty talqylanady. Sonymen qatar IT, kıberqaýipsizdik, bıotehnologıalar jáne jasandy ıntellekttiń bolashaǵy týraly pikir almasý alańy uıymdastyryldy.

    Kitaptyń tusaýkeserin Almaty qalasynyń  Almaty qalasy ákimdiginiń Ádep jónindegi ýákili Mamaı Ahetov,  jazýshy-pýblısıst Qaınar Oljaı, aqyn Ulyqbek Esdáýlet,   jýrnalıs Nurjan Jalaýqyzy jáne Qyzdar ýnıversıtetiniń rektory Gúlmıra Qanaı kesti. 

    - JI-diń paıda bolǵanyna kóp ótken joq. Ol damyǵannan keıin kóp uzamaı ár memleket óziniń zańdyq sheńberinde qoldana bastaıdy. Jer betiniń halqy tutas jıylyp, osyǵan qatysty ortaq sheshim qabyldaýy da ǵajap emes. Demek, qaıtkende de onyń basty qozǵaýshy kúshi adam bolady. Siz oǵan mynany iste dep buıryq bermeıinshe ol tyrp etpeıdi. Iaǵnı jasandy ıntellekt faktory emes, adamnyń nıet-qalaýy men maqsat-múddesi aldyńǵy qatarǵa shyǵady.
    Jasandy ıntellektini qoldanýǵa baılanysty, ony ártúrli salaǵa engizýge baılanysty, mashınalyq oqytýǵa baılanysty, medısınada, bilim berýde, óner salasynda, marketıń salasynda paıdalanýda jańa mamandyqtar paıda bolyp, múmkindikteri kóbeıedi, - deıdi kitap avtory Meıirjan Áýelhanuly.