Order Koreıa prezıdentine qyzmetin asyra paıdalaný aıyptary boıynsha berilgen. Bul Iýnnyń úsh ret shaqyrylǵan tergeýge kelýden bas tartqannan keıin jasalyp otyr. Ótinish jeksenbi kúni tún ortasynda (jergilikti ýaqyt boıynsha) sotqa tapsyryldy. Tergeý tobyna joǵary laýazymdy tulǵalarǵa qatysty sybaılas jemqorlyqqa qarsy tergeý basqarmasy (CIO), polısıa jáne Qorǵanys mınıstrliginiń tergeý bólimi kiredi.

Tergeýshiler Iýnnyń búlik uıymdastyryp, ókilettigin asyra paıdalanyp, 3 jeltoqsanda áskerı tótenshe jaǵdaı jarıalap, áskerılerge Ulttyq Assambleıaǵa (parlament) barýǵa buıryq bergen dep aıyptaıdy. Bul depýtattardyń jarlyqqa qarsy daýys berýine kedergi keltirý úshin jasaldy delinedi.

Iýn bul aıyptaýlardy joqqa shyǵaryp, áskerı tótenshe jaǵdaı engizý týraly sheshimi "basqarý áreketi" ekenin túsindirdi. Prezıdent muny opozısıalyq partıanyń zań shyǵarýshy ókilettigin asyra paıdalanýyna jol bermeý úshin qabyldanǵan sheshim dep túsindirdi.