Áleýmettik jelide "Qazaqmys" ıeligindegi paıdaly qazbalar óndiretin ken ornyndaryn sheteldik ınvestorǵa satý jónindegi kelissózder júrip jatqany týraly aqparat paıda boldy. Korporasıa bul habarlamalarǵa túsinik berdi.

Kompanıanyń málimetinshe, bul aqparat shyndyqqa janaspaıdy.

"Qazaqmys" ken oryndaryn satyp jatqan joq, kompanıa reseılik kompanıalarǵa satylyp jatqan joq, sondaı-aq sırek kezdesetin jer metaldaryn bar-ken nemese konsentrat túrinde elden shyǵaryp jatqan joq. Jyl basynan beri kompanıa naqty dáıektermen rastalmaǵan túrli qaýeset pen joramaldarǵa toly áńgimelerge tap boldy, - dedi kompanıanyń resmı ókili Arman Tleýkenov.

"Qazaqmys" korporasıasy qoǵamdy tek resmı jáne tekserilgen aqparatqa súıenýge, sondaı-aq qaýeset taratýdan aýlaq bolýǵa shaqyrdy.

Keıbir BAQ jáne áleýmettik jelilerde paıdaly qazbalar óndiretin segiz ken ornyn sheteldik ınvestorǵa satý jóninde kelissóz júrip jatyrmyz degen aqparat taraýda. Bul aqparat shyndyqqa janaspaıdy. «Qazaqmys» korporasıasy sheteldik nemese basqa da ınvestorlarǵa qandaı da bir ken oryndaryn satýǵa qatysty kelissóz júrgizip jatqan joq. Esterińizge salaıyq,  Qazaqstan Respýblıkasynyń zańnamasyna sáıkes, jalǵan aqparat taratý zań aldynda jaýapkershilik júkteıdi. Buqaralyq aqparat quraldarynyń ókilderi men qoǵamdy tek resmı jáne tekserilgen aqparatqa súıenýge, sondaı-aq qaýeset taratýdan aýlaq bolýǵa shaqyramyz, - dep málimdedi kompanıa.