Kóktem keldi. Qazaqstanǵa kóktem keldi degende sý tasqynynyń qateri qatar keldi deýge bolady. Byltyr elimiz alapat sý tasqynynyń astynda qalyp, elimizdiń teń jartysy sý basty. Elimizdiń 10 oblysynda tótenshe jaǵdaı jarıalandy. Onyń saldaryn joıamyz dep Úkimettiń rezervinen 46,9 mlrd teńge bólindi. Jergilikti búdjetten de esepsiz qarjy ketti, - dedi depýtat.

Aralbaıuly aıtqandaı, sý tasqynynyń aldyn alý jumystary durys júrgizilgende qarjyny basqa maqsatta, eldiń áleýmettik máselelerin qoldanýǵa bolar edi.

Bolar is boldy. Osyǵan qatysty byltyr Memleket basshysy Sý, Tótenshe jaǵdaılar mınıstrlikteri, ákimdikter birlesip jumys atqarmaıtynyn, jaýapkershilik alýdan qashatynyn aıtyp, synaǵan bolatyn. Osy synnan qorytyndy shyqty ma, Tótenshe jaǵdaılar mınıstrligi? "Bıyl Qazaqstanda birde-bir eldi meken sý astynda qalmaıdy" dep, elge tynyshtyq syılaı alamyz ba, joq pa? - deıdi Májilis depýtaty.

Ol mınıstrlikke elimizde 1223 eldi meken sý astynda qalýy múmkin degen aqparat taratyp jatqandaryn aıtty.