Sábıdiń ata-anasy ony perzenthanada kúıik shaldy dep eseptese, dárigerler genetıkalyq mýtasıamen baılanystyryp otyr.

Otadan soń dáriger – reanımasıa bólimshesiniń dárigeri kelip, sábıdiń qolyn kúıik shalǵanyn aıtty. Balanyń astyna temperatýrany retteıtin kilemshe tóselgen eken. Óz kózimmen kórgende, sene almadym. Iyǵynan shyntaǵyna deıin qap-qara bolyp kúıip ketken, - deıdi sábıdiń anasy Kamal Orazǵalıeva.

Jas otbasyndaǵy tórtinshi balanyń jaǵdaıyn dárigerler aýyr dep baǵalady. Onyń búkil denesi kúıik saldarynan kúldirep ketken.

Alaıda dárigerler buǵan kúıiktiń sebep bolǵanyna senimdi emesterin aıtyp, aqtaldy.

Búgingi tańda balanyń jaǵdaıy aýyr dep baǵalanýda. Balanyń jaǵdaıyna qatysty respýblıkalyq deńgeıde ana men bala ortalyǵymen keńestik. Balany sanavıasıamen sol jaqqa aýystyramyz. Ol jaqtaǵy áriptesterimiz de balanyń denesin kúıik shalmaǵan, tuqym qýalaıtyn nemese organızmdegi genetıkalyq sıpattaǵy ózgeris ekendigin rastady, - dedi Abaı oblysty densaýlyq saqtaý basqarmasy basshysynyń orynbasary Ásem Orynbaeva.

Al sábıdiń ata-anasy iske quqyq qorǵaý organdarynyń aralasqanyn qalaıdy. Olar polısıaǵa aryz jazǵandaryn alǵa tartty.