Ekologıa jáne tabıǵı resýrstar mınıstri Erlan Nysanbaev sý tasqyny bolýy múmkin aımaqtardy atady. 

Mınıstr naýryz-sáýir aılarynda kún raıy jyly bolatynyn atap ótti. Sonymen birge elimizdiń basym bóliginde jaýyn-shashyn kóp túsetinin aıtady.

Sý tasqyny qaýpi joǵary óńirlerdiń qatarynda: Aqtóbe, Qostanaı, Qaraǵandy, Aqmola, Soltústik Qazaqstan, Shyǵys Qazaqstan oblystary jáne Ulytaý jáne Abaı oblystary bar. Qaýiptiligi ortasha óńirler: Almaty, Jetisý, Jambyl, Batys Qazaqstan jáne Atyraý oblystary.

Tasqyn qaýpi tómen óńirler: Pavlodar, Mańǵystaý, Túrkistan jáne Qyzylorda oblystary.

Bıyl Qazgıdromet alǵash ret ár oblys boıynsha egjeı-tegjeıli anyqtamalar daıyndady. Bul anyqtamalarda gıdrologıalyq beketter boıynsha sý deńgeıiniń jáne aǵysynyń kútiletin eń joǵary mánderi, aǵyn kólemi jáne sondaı-aq qaýip aımaǵynda ornalasqan eldi mekenderdi kórsete otyryp, boljamdy bastalý kúnderi kórsetiledi. Sondaı-aq ótken aptadan bastap Qazgıdromet apta saıynǵy gıdrologıalyq boljamdardy shyǵara bastady. Gıdrometeorologıalyq jaǵdaı kúrt ózgeretin bolsa "Qazgıdromet" eskertýlerdi 2-3 táýlik buryn habarlaıdy, - deıdi Erlan Nysanbaev Úkimet otyrysynda.