Atyraýda bes kúnnen beri basylmaı jatqan qamys órti qala turǵyndaryn tunshyqtyrýda. Qalyń kók tútin búkil qalany basyp, jurt esik-terezesin ashýdan qalǵan. Turǵyndar densaýlyǵyna alańdaýly, bılik áreket etýge asyǵar emes.
Tilsiz jaý Aqjaıyq memlekettik tabıǵı rezervaty aýmaǵynda bastalyp, 800 gektardan astam jerdi sharpyǵan. Qyzyl jalyn áli tolyq sóndirilmegen.
Órtpen kúreske 100-den asa maman, 30 tehnıka jáne MI-8 tikushaǵy tartyldy. Tikushaq 33 ret áýege kóterilip, 100 tonna sý tókken.
Qazir órttiń shyǵý sebebi men qorshaǵan ortaǵa keltirgen zalaly boıynsha tergeý júrip jatyr. Alaıda qala kók tútinnen kóz ashpaı otyr.
