Pavlodar oblysyndaǵy joıqyn daýyl: 16 adam jaraqat alyp, bir áıel kóz jumdy.

19 maýsym kúni Pavlodar oblysynda jyldamdyǵy sekýndyna 43 metrge deıin jetken joıqyn daýyl soqty. Tabıǵat apaty saldarynan 16 adam zardap shekti, onyń ishinde úsh bala bar. Ókinishke qaraı, Aqsý qalasynda 1968 jyly týǵan áıel kóz jumdy.

Oblys ákimdiginiń habarlaýynsha, daýyldy jel aımaqtaǵy ınfraqurylymǵa aıtarlyqtaı zıan keltirip, birneshe aýdanda elektr qýatynyń óshýine sebep boldy. Oblys ortalyǵynda 47 nysannyń shatyry búlingen, onyń altaýy — áleýmettik mekeme. Aqsý men Ekibastuz qalalarynda 23 nysan, Baıanaýyl aýdanynda 7 nysan, sondaı-aq Maı men Pavlodar aýdandarynda birqatar ǵımarattar zaqymdandy.

Energojelilerde de aqaýlar anyqtaldy. Aqsý qalasy men Baıanaýyl aýdanynda jaryq óshkeni tirkelip otyr.

Qazirgi ýaqytta tótenshe jaǵdaıdyń saldaryn joıý jumystary júrip jatyr. Baılanys jáne elektr jelileriniń 16 baǵanasy qalpyna keltirilýde. Apat aýmaǵyna 300-den astam maman men 100-den astam arnaıy tehnıka jumyldyrylǵan. Barlyq shuǵyl qyzmetter kúsheıtilgen rejımde jumys istep jatyr.