Almaty qalasynda eks-sýdá Svetlana Jolmanovaǵa qatysty sot úkimi shyqty. Ol asa iri kólemde alaıaqtyq jasady degen aıyppen 10 jylǵa bas bostandyǵynan aıyryldy. İsti Almaty qalasynyń №2 Medeý aýdandyq sotynyń sýdıasy Qanat Árinov qarady.

Ázirge úkim zańdy kúshine engen joq.

Svetlana Jolmanovaǵa qatysty alǵashqy qylmystyq is 2021 jyly qozǵalǵan. Ol kezde Jolmanova múddeli tulǵalardyń paıdasyna sot sheshimderin shyǵarýǵa járdemdesip, sol arqyly alaıaqtyq áreketterge barǵan degen kúdikke ilingen. Alaıda keıin bul is toqtatylyp, ol sýdıa qyzmetinen bosatyldy.

2024 jyldyń qazan aıynda eks-sýdá qaıta ustalyp, oǵan qatysty qylmystyq is sotqa joldandy. Tergeý derekterine sáıkes, Jolmanova 2021 jyldan 2024 jylǵa deıingi aralyqta jyljymaıtyn múlik satyp alý jáne memlekettik tender jobalaryna qatysýǵa kómektesemin degen ýádemen azamattardy aldap, olardyń senimine kirip, 1 mıllıard teńgeden astam qarajatty ıemdengen.

Tergeý barysynda onyń qylmystyq áreketiniń 48 epızody anyqtalyp, barlyǵy bir iske biriktirilgen.