Taldyqorǵan qalalyq soty “Jetisý” fýtbol klýbynyń dırektory Qalmuhamed Dóńsebaevqa qatysty úkim shyǵardy.
Sybaılas jemqorlyqqa qarsy is-qımyl agenttiginiń habarlaýynsha eks-dırektor komandanyń oqý-jattyǵý jıyndaryn ótkizý kezinde fýtbolshylardyń tamaǵyna bólingen 31,9 mıllıon teńgeni jymqyrǵany úshin kináli dep tanyldy.
Sot sheshimi negizinde Dóńsebaevtyń syrqat ekeni eskerilip, 7 jylǵa bas bostandyǵynan shekteldi. Sonymen qatar, eks-basshyǵa memlekettik qyzmette jáne kvazımemlekettik sektor sýbektilerinde qyzmet atqarýǵa ómir boıy tyıym salyndy.
Qalmuhamed Dóńsebaev jymqyrǵan aqshany tolyqtaı memleketke qaıtardy. Úkim zańdy kúshine endi.
Pikir qaldyrý