Búgin «Astana EKSPO-2017» ulttyq kompanıasynyń burynǵy basshysy Talǵat Ermegıaev pen bir top laýazymdy tulǵanyń ústinen qozǵalǵan qylmystyq is boıynsha sot otyrysy bastaldy, - dep habarlaıdy «Qamshy» portaly.

Búgin atalǵan is boıynsha aldyn ala sot tyńdaýyna kúdikti Talǵat Ermegıaev keldi. Qylmystyq ister boıynsha mamandandyrylǵan aýdanaralyq sotta proseske qatysýshylar tanystyrylyp, alǵashqy sot talqylaýynyń merzimi belgili bolady. İsti qylmystyq ister boıynsha mamandandyrylǵan aýdanaralyq sot tóraǵasy Ádilhan Shaıhıslamov qaraıdy.

Sot zalyna qaraýylmen ákelingen Talǵat Ermegıaev úı qamaqqa alynǵan taǵy basqa kúdiktilerge belgilengen stolǵa jaıǵasty. Olardyń ishinde ulttyq kompanıanyń departament basshysy Qajymurat Úsenov te bar.

Al, qamaýǵa alynǵan kúdiktiler arnaıy kabına ishine kirgizildi. Olardyń sany – jeteý. Bulardan basqa sot prosesine kepildik túrindegi bultartpaý sharasy qoldanylǵan ózge de kúdiktiler sotqa ákelindi.

Sottyń qaraýyna 9 naýryzda túsken qylmystyq is 500 tomnan turady.

Talǵat Ermegıaevtiń ústinen ótken jyly maýsym aıynda qylmystyq is qozǵalyp, úı qamaqqa alynǵan bolatyn. Onymen birge atalǵan is boıynsha 20-dan astam kúdikti tergelýde. Olarǵa 10 mıllıard teńgeden astam kompanımá qarjysyn jymqyrdy degen aıyp taǵyldy.