Qazaqstandyq voleıbolshy Sábına Altynbekova, syrt kelbetimen kózge túsip iraz eldi dúrliktirgen bolatyn. Alaıda, Tokıo qalasyndaǵa japondyq GSS Sunbeams klýbynda aıtarlyqtaı juldyzy jana qoımady. Sportshy qyz óziniń buryńǵy komandasy "Almaty" klýbyna qaıta oraldy,- dep habarlaıdy «Qamshy» portaly Today.kz – ke silteme jasap.

Jarty jylda, Japonıada bolǵan ýaqytynda, 19-jasar sportshy qyz Tokıodaǵy jergilikti chempıonattyń ekinshi dıvızıonynda oıyn kórsete almady. Jańa maýsym bastalar kezde Sábına Altynbekova jaraqat alǵan, sodan soń formasyn qalyptastyrýmen bolǵan. Voleıbolshy qyz Japonıaǵa beıimdelý barysynda keıbir qıynshylyqtarǵa tap bolǵan, sondyqtan tokıalyó klýb qyzdy Qazaqstanǵa jattyǵýǵa jibergen. Aqpanda japonıalyq chempıonat aıaqtalǵan. Sábına Altynbekovanyń komandasy jalpy esepte úshinshi oryn aldy.

Osydan keıin "Almaty" voleıbol klýby Altynbekovany 21 naýryzda Óskemende bastaý alǵan Qazaqstan chempıonatynyń pleı-off kezeńine qatystyrdy. Birinshi oıynda Sábına tek tirkeýde ǵana bolyp qoımaı, birinshi partıanyń sońynda almasyp oıyn kórsetti. Alaıda Almatylyq klýb "Irtysh-Kazhrom" 0:3 esebimen jeńiliske ushyrady.

Aıta ketý kerek, Japonıada sezonnyń aıaqtalýynan keıin GSS Sunbeams klýbynyń prezıdenti Akıra Fýekı oıynda qazaqstandyq sportshynyń shyqpaǵany úshin Sábına Altynbekovanyń fanattarynan keshirim surady.Prezıdenttiń aıtýynsha, olar Sábınanyń tezirek beıimdelýine bar jaǵdaıdy jasaǵan, alaıda voleıbolshy qyz ózin jaısyz sezingen.

Esterińizge sala keteıik, Sábına Altynbekova 2015 jyldyń tamyz aıynda japondyq klýbqa aýysqan bolatyn. 2014 jyly Azıa chempıonatynyń eń ádemi sportshy qyz ataǵyn bergen qytaılyq jýrnalısterdiń arqasynda úlken tanymaldylyqqa ıe bolǵan.