Nursultan Nazarbaev ofshordaǵy aqshaǵa salyq salyp, ony qaıda jumsaýdyń jolyn aıtty, - dep habarlaıdy Qamshy.kz KTK arnasyna silteme jasap.

Qazaqstan prezıdenti jasyrylǵan trıllıondardyń 1 paıyzyn kedeı elderdiń bilimi men densaýlyq saqtaý salasyna bólýdi usynyp otyr. Osyndaı bastama kótergen Nazarbaev búgin Astanada ótip jatqan ekonomıkalyq forýmǵa qatysyp, óz boljamdarymen bólisti. Sóıtip, Nobel syılyǵynyń laýreattary, eks-prezıdentter, bilikti ekonomısermen birge daǵdarystan qutylýdyń joldaryn qarastyrdy.

-Qazaqstan álemdik ekonomıkanyń bir bólshegi. Derjavalardyń ózara tartysy kezinde, munaıdyń baǵasy aıaqasty quldyrap, damýdyń tejeletini belgili. Sondyqtan geosaıası qyrǵı-qabaqtyń kesiri «qara altyn» satyp kúnin kórip otyrǵan Qazaqstan sıaqty elder úshin úlken soqqy. Tyǵyryqtan shyǵý úshin resmı Astana munaıǵa táýeldi bolmaıtyn ekonomıkaǵa aýysýdy josparlap júr.

Munaı eksportyna úırenip qalǵan memleketterge bul bir kúnniń sharýasy emes. Sengen qazba  baılyqtary túgesiletindikten, endigi tabys kózi – bilim men ınovasıada. Buny bári jaqsy bilgenimen, jahandyq ekonomıka alpaýyt elder arasyndaǵy geosaıası oıyndardyń «qurbany» bolyp otyr. Al osy kezde kóptegen elder bir úzim nanǵa zar, balalary árip tanymaıdy, densaýlyǵy da dimkás. Sondyqtan Nursultan Nazarbaev aqshasyn ofshorǵa tyqqan álemniń dókeıleri men baılaryna kedeı elderge mektep pen aýrýhana salyp berýdi usyndy.

Nursultan Nazarbaev, Qazaqstan Respýblıkasynyń prezıdenti:

- Búginde álemdik mamandardyń baǵalaýy boıynsha, ofshor esepshottarynda 30-40 trıllıon dollar bar. Bul aktıvterge eń bolmasa jahandyq 1 paıyz salyqty engizý damýshy elderdegi bilim berý jáne densaýlyq saqtaý salalaryn jańa deńgeıge shyǵarýǵa múmkindik jasar edi. Bul salyqtan túsken qarajatty joǵaryda atalǵan adam kapıtalynyń damýy qoryna salýǵa bolar edi.

Iaǵnı, usynys qoldaý tapsa ǵalamdyq ofshorǵa salynǵan salyqtan túsken qarjy Birikken Ulttar uıymy janynan qurylatyn qorǵa aýdarylýy tıis. Halyqaralyq deńgeıde birneshe bastama kótergen Elbasy álem ekonomıkasy ózgeristi qalap otyrǵanyn ashyq aıtty. Biraq, senim joq jerde aýqymdy reforma jasaý múmkin emes. Sondyqtan dúnıejúzi jik-jikke bólinýi emes, birigýi qajet.

Nursultan Nazarbaev, Qazaqstan Respýblıkasynyń prezıdenti:

-Á prekrasno pomnú perıod holodnoı voıny. Ia byl na rýkovodáshıh doljnostáh, kogda vse delılıs po voennym, ekonomıcheskım ı polıtıcheskım blokam ı voobshe ne vosprınımalı drýg drýga nıkakım obrazom. Daje prostyh lúdeı ne vosprınımalı v drýgıh stranah, teh, kto nahodılsá v takoı konfrontasıı.

Al forýmda sóz sóılegen áıgili qytaılyq mıllıarderdiń oıynsha,   aldaǵy 30 jylda álemdi ınternet ózgertpek. Djek Ma jańa tehnologıalardyń kúshin aıta kele, Qazaqstanǵa shaǵyn kásiporyndar ashý arqyly ekonomıkany kóterýge keńes berdi. Bul sózdi estigen Nazarbaev, mańyzdy strategıalyq josparlarymen bólisip, 25 jyldaǵy jetistikti sheteldik meımandarǵa tizýdi umytqan joq.

Nursultan Nazarbaev, Qazaqstan Respýblıkasynyń prezıdenti:

- Tarıh úshin bir sát qana bolatyn shırek ǵasyrda biz kartada shekarasy joq memleketten álemniń básekege qabiletti elý eliniń qatarynan tabylǵan memleketke aınaldyq. Bir senimmen aıta alatynym, qazaqtar men qazaqstandyqtar dál qazirgideı jaqsy ómir súrgen emes.