Ál-Farabı atyndaǵy Qazaq ulttyq ýnıversıtetinde Koreıanyń Tegý qalasynda ornalasqan katolıktik ýnıversıtetten (CUOD) kelgen fızıoterapevt profesor Kım Djýn Hı tegin keńes berýde. Dáriger Qazaqstanǵa stýdent-assıstentterin de erte kelgen, - dep habarlaıdy Qamshy.kz.
Buǵan deıin QazUÝ janyndaǵy qazaq-koreı medısına ortalyǵynda Ónse (Seýl qalasy) ýnıversıtetiniń Kannam Severans klınıkasynyń qatysýymen qaıyrymdylyq sharasy ótken bolatyn. Atalmysh is-sharaǵa koreı elinen kelgen 18 jáne QazUÝ-dan 16 medısınalyq qyzmetker men eriktiler qatysty. Esterińizge sala ketsek, 2015 jyly Kannam Severans klınıkasynyń mamandary men eriktileri Óskemen qalasyndaǵy emhanalarda jergilikti mamandarmen sheberlik synyptaryn da ótkizgen bolatyn.
Áriptestiktiń jarqyn jalǵasy retinde Tegý qalasynyń bolashaq fızıoterapevteri bıyl Almaty qalasyna keldi. CUOD ýnıversıtetiniń 3-kýrs stýdenti QazUÝ-dyń tehnıkalyq múmkindikteri men uıymdastyrýshylyq qabiletin óte joǵary baǵalady. Sonymen qatar Qazaqstanǵa jasaǵan alǵashqy sapary Ulttyq ýnıversıtet pen oqý orny ornalasqan taýly aımaqtyń keremet beınelerimen este qalatynyn atap ótti.
Koreı eliniń stýdentteri ál-Farabı atyndaǵy QazUÝ-dyń Qoǵamdyq densaýlyq saqtaý joǵary mektebi (QDSJM) jumysymen tanysty. QDSJM QazUÝ janynan bıyl ǵana ashylǵanyna qaramastan, ol búginde «lifelonglearning» negizinde úzdiksiz bilim berý baǵdarlamasyn usynady. IýNESKO, EYjDU (Ekonomıkalyq yntymaqtastyq jáne damý uıymdary) jáne Eýropa Keńesi sıaqty jetekshi halyqaralyq uıymdardyń pikiri boıynsha, bilim berý orta jáne joǵary bilim beretin «ınstıtýttar» budan buryn belgilegen sheńbermen shektelmeýi tıis. Sondyqtan suranysty qanaǵattandyrý úshin dıplomaldy jáne ujymdyq bilim berýdi jolǵa qoıý kerek.
Tegin keńes alýǵa kelýshilerdi qabyldaý barysynda profesor Kım Djýng Hı sońǵy ýaqytta úlken qarqynǵa ıe bolǵan ýrbanızasıalaný úrdisi keńse qyzmetkerleriniń densaýlyǵyna keri áserin tıgizip jatqandyǵyn basyp atty. Kelýshilerdiń deni kompúter men az qımyldy qajet etetin jumys nátıjesinde paıda bolǵan shaǵymdarmen keledi. Sondaı-aq profesor keńesinde bolǵandar ózderi qabyldap júrgen dári-dármektiń tıimdiligine baılanysty birqatar suraqtarǵa jaýap aldy.
Dárigerdiń aıtýynsha, kóptegen aýrýlardy óz tánińizdi tyńdaý arqyly emdeýge bolady eken. Máselen, naýqastyń turysyndaǵy assımetrıa negizinde, onyń arqa aýrýlary shaǵymyn tek qana udaıy jattyǵý jasaý arqyly joıýǵa bolatynyn aıtyp, naýqastyń jaǵdaıyn jaqsartý úshin emdik massaj jasalady. Dáriger qabyldaýynan keıin naýqastyń jaǵdaıy aıtarlyqtaı jaqsaryp, bastapqyda bilingen assımetrıa edáýir azaıdy.
Profesor Kım Djýn Hıdiń qabyldaýynan bólek, QazUÝ janynan qurylǵan medısınalyq ortalyqta joǵary tehnologıalarmen jabdyqtalǵan kabınetterde keshendi tekseristen ótýge bolady. Uly oıshyl Ábý Nasyr ál-Farabıdiń qaıyrymdy qala ıdeıasyn negizge ala otyryp salynǵan, álemde teńdesi joq «Keremet» qyzmet kórsetý ortalyǵy budan da basqa kóptegen múmkindikterge jol ashady.
