Semeıdegi «SemAZ» zaýyty qazaqstandyq mazmundy arttyryp keledi. Solardyń biri - «Shahman» júk kólikteri. Qazir tehnıkanyń shanaǵy men keıbir bólshekteri ózimizde qurastyryla bastady. Sonyń arqasynda 50 adamǵa jumys tabyldy, dep jazady 24.kz.

Zaýyt kúnine 3-4 «Shahman» júk kóligin shyǵarady. Jýyqta munda 50 jumys orny ashyldy. Sebebi dál osy úlginiń qazaqstandyq mazmuny 38%-ǵa artqan. Jalpy júk kólikti qurystyrý jumystarynda120 adam eńbek etýde.

«Shanaǵy men keıbir bólshekterin osynda jasaımyz. Ol bizdiń oqshaýlaý deńgeıin arttyrdy, qosymsha 50 shaqty jumys orny ashyldy. Bizdiń qalamyzdyń jáne respýblıkamyzdyń ekonomıkasyna qosqan úles», - deıdi óndiris basshysy  Jandos İlıasov.

Jyl sońyna deıin 400 tehnıka qurystyrý josparda tur. «Alaıda tapsyrystar kóbeıse, bul kórsetkishti 2 esege deıin arttyrýǵa múmkindik bar», - deıdi zaýyttaǵylar.