Mońǵolıa eliniń qandastarymyz mekendeıtin Baı-Ólke aımaǵynda apat bolyp, 100 shaqty úı qırap, 700-deı qazaq baspanasyz qalǵan. Árıne Mońǵolıa qazaqtaryna járbem berer mońǵol eli bar. Talaı qıyndyqty basynan keshirgen Mońǵol eli bul synaqtan da óter. Degenmen, apattan keıin amandyqtaryn bilýge Qazaq elinen kelgen kómek olar úshin úlken kúsh, aıbyn bolar edi. «Bizdiń de ál berer táýelsiz elimiz bar eken-aý» demeı me ondaǵy qazaq aǵaıyndar. Qazir sol gýmanıtarlyq kómektiń kólemi belgili boldy. Uzyn-yrǵasy 200000 myń dollardyń dúnıesi eken. Al 200000 dollar degenińiz – Qazaqstandaǵy bir baı baǵlannyń úıi. Tipten 700 Mońǵolıa qazaǵyna 200000 dollardy shaqqanyń ózinde jan basyna 286 dollar tıedi eken. Árbir qazaq jalǵyzym deıtin úkimettiń qazaqqa istegen «darhandyǵy» deımiz be buny!?. Ne desek eken, qazaq eli shettegi qazaqtardan qarjy aıady deımiz be!?. Al «Jas alash» gazetinde Qazaq eliniń syrtqa kórsetken demeý qarjysy kelesideı kórinedi:
- Qazaqstan 2013 jyly tabıǵı apattan zardap shekken Shrı-Lanka men Gvatemalaǵa 978 myń dollardyń kómegin kórsetken. 2014 jyly Aýǵanstanǵa 1 mln 985 myń 917 dollardyń azyq-túlik ónimderin jóneltken. Osy jyly Reseıdiń Blagoveshensk qalasyndaǵy sý tasqynyna baılanysty 240 oryndyq balabaqsha salý úshin 379,3 mln teńge bólgen. Qazaqstannyń 2015 jyly Tájikstanǵa kórsetken kómeginiń jalpy quny – 4,7 mln dollar. Dál osy jyly P.Poroshenkomen kezdesken N.Nazarbaev Ýkraınaǵa 2 mln eýro gýmanıtarlyq kómek jiberilgenin jáne bul baǵyttaǵy jumystardyń ary qaraı da jalǵasa beretinin aıtqany bar.
Tabıǵı apattar bir jaǵynan taǵdyrdyń syny bolsa, ekinshi jaǵynan kimniń kim ekenin kórsetetin synaq. Bul qazaqtyń birligin, áleýetin, Qazaq eliniń ekonomıkalyq qýatyn kórsettetin, álem aldynda abyroıy kóteriletin synaq edi, átteń bul synaqta Qazaq eli súrinip ketti. Óıtkeni álemniń kóptegen eline gýmanıtarlyq kómek jasap, qyrýar qarjysyn shashyp júrgen Qazaq elin tek «pıar» úshin isteıdi dep qana qabyldaıtyn bolar.
Másimov óziniń tvıtterdegi paraqshasyna Baıan-Ólgıı qazaqtarynyń sýretin emes, Mońǵolıadaǵy «Shyńǵysqan» eskertkishiniń aldynda túsken óz sýretin jarıalapty... Ony qalaı túsinýge bolady!?.
Ersin Erǵalıev
