Baıan Esentaevanyń qyzy ákesimen túsken barlyq sýretin jeke paraqshasynan óshirip tastady, - dep habarlaıdy Qamshy.kz Nur.kz - ke silteme jasap.

Baıannyń sińilisi tanymal telejúrgizýshi Baǵym Muhıtdenovanyń sózine súıensik, Aıarý bolǵan jaıttyń barlyǵyn qabyldaı almaıtyn kórinedi.
Baǵym Muhıtdenova, Baqytbek Esentaevtyń ápkesine qol kótergendigin rastady. Bolǵan jáıtten keıin, Baıannyń kishi qyzy Aıarý Instagram jelisindegi paraqshasynan ákesimen túsken barlyq sýretin óshirip tastaǵan.

Esterińizge sala keteıik, 0nynshy maýsym kúni Qulja tasjolynyń boıynda Baıan Esentaevany kúıeýi aýyr soqqyǵa jyǵyp, pyshaqtap tastaǵan bolatyn.

Belgili bolǵandaı, Baqyt Esentaev sol kúni mas bolǵan. Ol ýaqytsha oqshaýlaǵyshqa qamaýǵa alynyp, Qylmystyq kodekstiń 99 baby boıynsha áıelin óltirmek boldy dep kúdiktelýde.

Esentaev óz kinásin moıyndady. Ol endi jeti jylǵa sottalýy múmkin.

Al 24 shildede Instagram jelisindegi beautyroom_dsatzhan ("Beauty Room" Astanadaǵy oqý ortalyǵy) paraqshasynda Baıannyń buryn-sońdy jarıalanbaǵan sýreti shyqty. Bul sýret prodússerdiń bolǵan jaıttan keıingi alǵashqy jarıalanǵan fotosy bolýy múmkin.

"Bizge eń talǵampaz adamdardyń ózi senedi!" delingen sýrette. Esentaevanyń janynda telejúrgizýshi, bıznesvýmen Dınara Sátjan otyr.

Aıta keteıik, Baıan Esenbaeva 10 maýsym kúni aýrýhanadan shyǵarylǵan edi.