Plasık bótelkelerdiń adam densaýlyǵyna zıany týraly burynnan aıtylyp júr. Alaıda turmysta qolaıly bolǵandyqtan sýsyndar men maı túrlerin saqtap, tasymaldaýda budan yńǵaıly ydys túri ázirshe tabylmaı tur. Plasıkalyq ydys-aıaqta saqtalǵan taǵamǵa sińgen hımıalyq ýly zattar adam aǵzasyna túskende densaýlyqqa baıaý túrde zalal keltiredi eken. Búginde jurtshylyq plasık bótelkege quıylǵan sýsyndy ishýge qumar. Keıbir kisiler bosaǵan plasık ydysty saqtap qoıyp, basqa da taǵamdardy salýǵa paıdalanady. Al bunyń zıany orasan ekenin  ǵalymdar dáleldeýde. Bul týraly Qamshy.kz"The Sun"-ǵa silteme jasap habarlaıdy.

Plasık bótelkeni birneshe qaıta paıdalaný aǵzanyń ýlanýyna, aqyry kóptegen aýrýlardyń týyndaýyna ákep soǵady. Ǵalymdar plasık ydys qansha jýylsa da oǵan jabysqan bakterıalar joıylmaıtynyn aıtýda. Kanadalyq qoǵam densaýlyǵyna qatysty jýrnalda jarıalanǵan maqalada mektep oqýshylary  paıdalanǵan 76 bótelkeniń zerttelgeni týraly jazylǵan. Bótelkelerden ýlanýǵa ákelip soǵatyn bakterıalardyń joǵary deńgeıi anyqtalǵan. Tehas ýnıversıtetiniń densaýlyq ortalyǵynda jumys isteıtin medısına ǵylymdarynyń doktory  Rıchard Ýolles zertteý nátıjesinde «Ýlanýǵa ákep soǵatyn barlyq bakterıalar plasık bótelkelerde bar» degen qorytyndy shyǵarǵan. Sondyqtan ǵalymdar plasık bótelkelerdi úıde saqtamaýǵa keńes beredi.