Astana qalasyndaǵy Ulttyq akademıalyq kitaphanada Tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasy aıasynda 2014 jyly shyǵarylatyn ónimderdiń tusaýy kesildi, «Abaıtaný álippesi», «Danalyq álippesi», «Elektrondy qazaq úı» jáne basqa da ınteraktıvti ónimder bar.

Tusaýkeser rásimi Mádenıet mınıstri A.Muhamedıulynyń quttyqtaý sózimen ashylady.

         Sharaǵa Mádenıet mınıstrliginiń jaýapty qyzmetkerleri, Qazaqstan Respýblıkasy Parlamentiniń depýtattary, fılolog-ǵalymdar, elimizge tanymal qoǵam qaıratkerleri, aqyn-jazýshylar, buqaralyq aqparat quraldary ókilderi jáne oqyrman qaýym qatysty.

Shara aıasynda Til komıteti tarapynan shyǵarylǵan barlyq ónimderdiń kórmesi uıymdastyryldy.

     «Ulas-Elektron» JSHS-nyń alǵashqy ónimi – «Elektrondy qazaq úı» jobasy alǵash ret  tanystyryldy. Ol – ıisi qazaqtyń ıgiligine jaraıtyn tańdaýly zamanaýı tárbıe quraly. Kıeli Qazaq úıdiń kishireıtilgen nusqasyna besik jyry, ertegiler, balalar ánderi, halyq jáne halyq kompozıtorlarynyń án-kúıleri, terme-tolǵaýlar, otanshyldyq rýhtaǵy ánder, Abaıdyń 45 qara sózin qamtyǵan 1200 mazmun engizilgen. Ol – babalarymyzdyń bizge jetken baı rýhanı muralaryn búgingi jáne keleshek urpaqqa jalǵaıtyn dástúrli úlgidegi zamanaýı elektrondy qural. Ádebıetimiz ben mádenıetimizdiń, dástúrli dúnıetanymymyz ben mýzykalyq muramyzdyń jaýharlaryn jalpaq jurtqa nasıhattaıtyn ulttyq ónimniń tárbıelik, taǵylymdyq qyzmeti basym, sapasy joǵary deńgeıde, mazmuny baı, ár salanyń jiligin shaǵyp, maıyn ishken kásibı, maıtalman  mamandarynyń keńesi negizinde daıyndalǵan. Ol ár qazaqtyń tildik, sózdik qoryn molaıtady, rýhyn kóterip,ulttyq mýzykaǵa degen yqylasyn, tanymyn arttyrady. Rýhanı baılyǵymyzǵa degen qurmetimizdi jańa satyǵa kóteredi.