Pekındik sot áıeliniń jábir kórsetkendigine aryzdanǵan  erkekke qoldaý kórsetti. Qytaılyq sot isinde bul alǵash ret berilgen order dep habarlaıdy  chinadaily.com  tilshileri.

Bul jup 2014 jylda otaý qurǵan eken. Bastapqy kezde tatý-tátti ómir súrip kelgen otbasy keıinnen otaýr qurǵannan soń bolmashy nárselerge bola kóp sózge keletinderin, keıinnen tipti áıeli oǵan qol kóterip sabaıtynyn aıtyp jetkizdi. Mamyr aıynda, sonan soń jańadan týylǵan qyzynyń aldynda qatty soqqyǵa jyǵylyp, sol jaǵdaıdyń kesirinen jalǵyz qyzdary qatty shoshynyp qalǵan.

Dárigerler men polıseılerden aldyndaǵy bolǵan jaǵdaılarǵa baılanysty anyqtamalardy jınap eri sotqa shaǵym túsirýge bel býǵan.

Sot kúıeýine óz-ózin qorǵaıtyn order berip, áıeline mundaı masqaralyqty qaıtalamaýyna, eriniń namysyn taptamaýyna qatań eskertý jasaǵan.

Eger mundaı áıeli taǵy da erine qol kóteretin bolsa, ony 15 táýlikke qamaýǵa alyp nemese 1000 ıýán kóleminde aıyppulǵa tartylýy jaıly úkim shyǵarǵan.

Naýryz aıynda otbasylyq jábir kórsetýshilikke baılanysty zańnyń kúshine enýine baılanysty sotta joǵaryda atp ótkendeı úkim shyǵaryla bastaǵan. Sol sátten bastap Qytaı sot bıligi 300-den asa dál osyndaı jaǵdaılarǵa baılanysty úkim shyǵarǵan. Alaıda buǵan deıin kelip túsken shaǵymdar erinen jábir kórgen áıel adamdar tarapynan bolǵan.

Bul jáıt sot tájirıbesindegi alǵash ret bolǵanmen, eń sońǵy bolmaýy múmkin. Qytaılyq buqara aqparattary kóp otbasylar otaý qurǵannan keıin kóbinde áıel adamdar otbasydaǵy bılikti qoldaryna alyp, otaǵasynyń rólin atqarady, keıde tipti erine qol jumsaýǵa deıin barady dep habarlaıdy. Alaıda, bul jaıly erleri jalpaq jurtqa jarıa qylýǵa namystanyp kelgen deıdi.

Aýdarǵan: Labıhan Nazerke