Búgin Bas Prokýratýranyń aldynda belgisiz áıel ózin órtep jiberdi dep habarlaıdy  Bas Prokýratýranyń baspasóz qyzmeti.

Úsh adamdy ertip kelgen áıel syrt kıimin sheship, ústine benzın quıyp, ózin órtep jibergen.

«Órtti sóndirý úshin birden arnaıy sharalar qoldanyldy. Oqıǵa kútpegen jerden, bir mezette oryn aldy. Ózin órtegenge deıin áıeldiń tarapynan eshqandaı kúmándi áreket  baıqalmady. Alǵashqy medısınalyq kómek kórsetilip, jedel járdem shaqyryldy» deıdi Bas Prokýratýranyń baspasóz qyzmeti.  

Áıeldiń aty-jóni anyqtaldy. Ol M.E.Rysmanova esimdi 48 jasar áıel 1988 jyly dúnıge kelgen balasy E.N.Ahmetovti  zańsyz sottady degen sebeppen osyndaı qadamǵa barǵan. Bas Prokýratýranyń málimetinshe, balasyna qatysty qylmystyq iste M.E.Rysmanovanyń dálelderin Bas Prokýratýrada tekserý týraly ótinishi 28 qarashada 2016 jyly kelip túsken.

            Shý aýdandyq sottyń sheshimi boıynsha, 2015 jyldyń 15 maýsym aıynda E.Ahmetov QR qylmystyq kodeksiniń 4 bólimi 296 baby boıynsha 4 jyl 6 aıǵa qatań rejımdegi kolonıaǵa toǵytylǵan.  28 jastaǵy E.Ahmetov zańsyz 3,5 gram geroın men 285 gram anasha saqtaǵany úshin sottalǵan.