Búgin Qostanaı qalasynyń   
eki kóshesine qazaqsha ataý berý máselesi boıynsha jergilik máslıhat ashyq jıyn ótkizdi. Bir jeti buryn saıtymyzda "Qostanaıdaǵy eki kóshe ataýy qazaqshalanady degen úmittemiz" degen materıal shyǵarǵan edik.  Úmitimizdiń aqtalǵanyna qýanyp, oqyrman qaýymnan súıinshi suraımyz. 200 adam jınalyp (syımaǵandar qanshama), úsh saǵatqa sozylǵan jıyn soltústikte
sel qozǵalǵandyǵyn rastady.

Gersen kóshesiniń ataýy Qobylandy batyr, Taran kóshesiniń ataýy Táýelsizdik dep ózgertilýi  maquldandy. Osyǵan deıin    
qala belsendileri Gersen kóshesine tarıhshy Zulqaınar Aldamjardyń esimi berilsin dep ótinish aıtqan bolatyn. Tarıhshylar, aqyndar, qysqasy qostanaılyq zıaly qaýym bas qosqan atalmysh jıynda Gersenge 
Qobylandynyń aty berilgen durys dep sheshim qabyldandy.

Qostanaıdyń taǵdyryn sheshýge jınalǵandardyń arasynda ózge ult ókilderi de boldy. Orys komýnıseriniń "Bul qanshalyqty zańǵa sáıkes?" degen curaǵyna Memlekettik tildi damytý basqarmasynyń bastyǵy Úmbetov "zańǵa sáıkes" dep jaýap berdi.

Amanjol Kúzembaıuly bastaǵan, Sergeı Vladımırovıch qostaǵan Qostanaı memlekettik pedagogıka ınstıtýty atalmysh máselege belsendi aralasyp, minberge shyǵyp sóz sóılep, halyqqa tarıhı derek-anyqtama berip otyrdy.

"Qamshy" portalynda qýanysh uzaǵynan bolsyn degen tilek qana bar. Qostanaıda qabyldanǵan sheshim respýblıkalyq deńgeıde qoldaý tabatynyna úmitti.

Qamshyger: Jazıra Baıdaly